کان الوفه
الشاعر: ألشاعرة ام عدنان سیّاحي الفئه: اجتماعیات, وجدانیات,كان الوفه
✯✯✯✯✯
یمن عفتونه بین هموم واهات
گبل چان الوفه عدكم هوايه
حنينه اگلوبكم تمطر محن
اخذنه ادروس من احله السجايه
تعلمنه الحنان ودوم نشتاگ
صعب كلش ترد ذيچ البدايه
ثمينه من تمرلحظات الفراگ
تذكرنه المضی مثل الروايه
عجيبه اشلون يمحبين ترضون
نهل دم ودمع وين الحمايه
ماچانت ابد علبال يحنان
يطول اغيابكم وابلا درايه
فجئه ننتكس وتزيد الاحزان
و سالوفه نصير ابلا نهايه
عگب سهر اليالي وشوگ الايام
نسيتونه ابسهوله ابألف غايه
ئهجرتونه وتنحيتو بلا اسباب
وتعلمتو ابضربنه انتو الرمايه
جرح الكم نزف خزن فلا طاب
غميج وماتضمد دوم دايه
ضعف هاذ الگلب واتعذب اهواي
ايتوسل بيكم ايريد الرعايه
✯✯✯✯✯✯✯✯✯✯✯
🌼🌼🌼
✍ ام عدنان سياحي