گالوا موت
الشاعر: ألشاعر هادي الفاطمي الفئه: وجدانیات,ما كان ذنبي الا انني اردت ان اذنب في ديار دينهم و ان اخالف من يمشون خلفهم فقالو لي من المقابر: مُت لانني كنت حيً بين مقابرهم…
گالو ….
موووت ..
چه شفت الشـرف
ما مات …..
و ذبّـاح المراجل ….
حمّلـه التابوت
حفلة موت
معرس منحر الدفان
و سچين العروس
و نحره بيها ايفوت
گالو موت …
من شفت المنايه اتموت
و اثر كل خطوه اخطي
ابروحهم برهوت
كرعو بالنهر
حد خرزة البلعوم
و غصو بالعذر من جالهم جالوت
شالوني ابچتف جبريل
تابــوت
و اثر قدّيس
و حيت ابموتهم طالوت
گالو موت
حوت
و يونس ابجواي
و كافر
چه لگوني
ابربهم الطاغوت…
بايت عالجمر؟
بس ما تمسني النار
و من حلگ المداخن ،
دخنو صاحين
زاعت حيلهم البيوت ….
گالو موت
خنجر صفنتي
ايحز منحر الكهنوت
خليل الله…
خلگي و حيدر المنعوت
قبل ما← اموت
اكسّر هيكل المنحوت
#هادي_الفاطمّي