میلاد الحبیب

میلاد الحبیب

إرسال إلى صديق طباعة PDF

میلاد الحبیب


اليوم ميلادك حبيبي وكلها فرحانه ابصيارك

شي تهوّس شي تصفـّگ شي تفض شكليت عالحي بعتبارك

او كلمن ايلاگيني يتباركلي بسمك بدّلوا ليلك نهارك

وين ما أشبح نظر زينه وتهاني وعايشه ابصحوة مدارك

اشكبر يومي ابيوم جيتك جاي اشوف الكون بفراحي ايتشارك

والملائك كلها هاليوم ابخدمتك هبطة ابفرحه اعله دارك

وابدعاء الندبه كلمن جاي گلـّي ابكل فخر يا عشگي زارك

گمت احسّن بالشموخ ابيوم جيتك من عَـلي ضلل ستارك

إنته عين التنطر الدنيه ابسهرها اوماتغمّض من قرارك

إنته صحوة بدركامل حامي الكون ابإطارك

حتـّی شمس الله البهائك تعكس الضو من مسارك

إنته معشوگي الوحيد البيك أفخريمن دوم امعليه نارك

وآنه أدفه ابنارعشگك يا شريف المخفي ابضل استتارك

ما أشوفنـّك وحسّك من لوئي من غصي من عدنان من هاشم يبو الشيمه ونزارك

اومن بهاء الهادي شعشع نور وجهك وابعزم جدك علي اتنول انتصارك

منهو من مثلي عشگ المثلك یا حبيبي وجاعد امن اجله ايتعارك

عارچت كل المذاهب لجل حبّك رغماً اعله الحاقد اتغنـّا ابشعارك

حيث اعرفنـّك رئوف اعله اليحبّك منصف ابساحة خيارك

لچن عالعادوك علگم يفني كل ظالم يبن حيدر دمارك

تحصر الأنفاسها ابصوت العداله اعليها لوخيّم حِصارك

دولتك يا يوم ايرخصها المهيمن حتـّی نتلگـّاك من صالة مطارك

ابشنهو تگصد يا حبيبي اعله البراق اتشرّف الگاع ابفخارك

لو تفرالگاع اشوف ابذلجناح حسين يصبحلك قطارك

خايفه العدوان من عشگي الجنابك دوم اهددها ابمنارك

اومن منارك استمد قوتي اعله طگها او افخر ابزود افتخارك

ونته من ترخي العنان المهر وتهد تحرگ الشر ابشرارك

رايتك خضره ورهيبه ودوم اخوّفها ابخضارك

وآنه فرحان اصبحت هاليوم بسمك وابگا ازمط بنتظارك

اورغماً اعله الناصبي العالم تگلـّي ابعيد مهديّك مبارك

 

 

إحصائات

الأعضاء : 13346
المحتوى : 198
دليل المواقع : 1
عدد زيارات المحنوى : 798454

آلبوم الصور

فقط للشعراء

خريطة الموقع

هدف الموقع

السيرة الذاتية