ابوذیه احمد

ابوذیه احمد

الشاعراحمد الغبيشاوي

يـحگلي مــن امــوت اويــاك يـابن     او مــثلك مــا اظـــن اردود يـــابن

صــبر بــالـچن يطيب الجرح يابن     ودوس ابــصدرمــن خـــاوا المنيه

** ** **

يـــگلبي لاتـــعوف الـــصبر وتـمل     ولـــو هــمّك ثــگل حـمرين وتمل

تــرا الــدنيه غـــروراويــاك وتـمل     افــتكر چـــم حــيد ضمّته الـوطيه

** ** **

اشـــتذكــر هــالحمامه اتنوح بالهيم     وعله درب الاحباب الگطع بالهيم

شــجيّه اهــيه وشريك اوياي بالهيم     افــگدت خــله اوانــا الشحّوا عليه

** ** **

خــله الــدهــر يــسحگ خـله خـله     عــلي واثـــــر ابــگلبي خـله خـله

الــخليل اشـــلون يصبر خـله خـله     جـفه وسـارت اظـعونه وگطع فيه

** ** **

تـرعبل هل عگل يا خي ترابلاك     وبــعد مــا فــيدانا ويــعه ترابلاك

رمــيتك يــادهــر سهمي ترابلاك     وانــت بـــكل ســهم اتــجيس ميه

** ** **

تمخلص گلبي من الـهم شرك بي     عــگلي والـــنبض كله شرك بي

شـرك بــالــماي دلالـي شرك بي     بــسبب كـل جرعه اشوفنه بنويه

** ** **

ذچــرك مــن يــمر عــلبال يفلان     روحي اوكل جميع اعضاي يفلان

لــيالي اجــفاك بـــالـــدلال يـفلان     ولاخــلـّن وصــل ســالـــم عـــليه

** ** **

عتابة ابوسعيد احمد الغبيشاوي

هــلي يــاريــحت الــكرار مــــنهم     وعــدوهــم دوم اله ويـعات مـنهم

هـلي فــوگ الــمنون ايـزود منهم     ويــظل مـچيالـهم يخرص الاحباب

** ** **

هـلي يـالــشالـــت حــمولـي بلامن     وعــسى مـانــزّل الــباري بلامن

يــظل مــطرودهـم نــايـم بلاء من     يــفز مرعوب من حزات الرگاب

** ** **

 

إحصائات

الأعضاء : 13346
المحتوى : 198
دليل المواقع : 1
عدد زيارات المحنوى : 798451

آلبوم الصور

فقط للشعراء

خريطة الموقع

هدف الموقع

السيرة الذاتية