راية حيدرا

إرسال إلى صديق طباعة PDF

« راية حيدرا »


حـــيّاك حـــيّاك     يالـبالوعد منتظر     والواك والواك     ظل ينتظر عالنهر

حين الهجم راعي الشيم     بالميدان

كـلشي انـرسم يـم الـعلم     بالميدان

*****

يالـمهدي رايــة حــيدرا عــمّك حـماها     والــعلگمي منـّه اعــتنا الرايه وخـذاها

اوللــعلگمي گــال الـگمر حين النطاها     اتسلـّمها بــيد الـمنتظر راعـي الوجاها

نـاداك نـاداك     يبن الحسن هالگمر     والواك والواك     ظل ينتظر عالنهر

مهدي الإمم تحيي الـقيم     بالميدان

كـلشي انـرسم يـم الـعلم     بالميدان

*****

عـبّاس عـمّك مـن هجم سجّل صـحيفه     وقـّعها مـن دم الـضرب يـشهدله سيفه

كـرار ثـاني ابكربلا وصال اعـله كيفه     اودگ الـعلم يـم الـنهر يـــشهد رفــيفه

وانطاك وانطاك     ذاك العلم بالصور والواك والواك     ظل ينتظر عالنهر

عـندك سهم والله وحـتم     بالميدان

كـلشي انـرسم يـم الـعلم     بالميدان

*****

هالرايه تشرحلك وضع سرها وتـذيـعه     من هـجمت احـزاب الغدر يبن الوديعه

خلـّه الجثث فوگ الجثث تصبح گطيعه    ماگدرت اتواجه غضب حامي الشريعه

عـــرّاك عـــرّاك     لامايهاب الخطر     والواك والواك     ظل ينتظر عالنهر

مـنها انــتقم مــحّد سـلم     بالميدان

كـلشي انـرسم يـم الـعلم     بالميدان

لـدروبك عـيون الأمـل مامرها لنعاس     والـغاضـريّـه الـجيّتك تتـسأل الــــناس

يمته اشوكت مهدي الإمم بيه نرفع الـراس     لن عالنهرعـندك وعـد انـته واياعباس

حاشاك حاشاك     تنسه الوعد والأثر     والواك والواك     ظل ينتظر عالنهر

عندك حرم وسـط الـخيم     بالميدان

كـلشي انـرسم يـم الـعلم     بالميدان

*****

تدري ابشبل جدك علي ابسوح الحرايب     مـن بـيده رفـّة رايـته ســوّا الــعجايب

عجزت تمنعه امن النهر ذيـچ الكتايب او من وازته ابسوح الحرب نزّل مصايب

وهناك وهناك     بس الكفيل انتصر     والواك والواك     ظل ينتظر عالنهر

واللي انهزم شاف الألـم     بالميدان

كـلشي انـرسم يـم الـعلم     بالميدان

*****

يمته الوعد يبن الحسن ننطر قــدومـك     وعـله الـتحبّك سيِّدي كثرت خصومك

كـل الأمـل يـالمنتظر نترجّـه يــومــك     وانشاهد ابعين الفرح ساعت هـجومك

نــتناك نــتناك     يبن الطهر بالخبر     والواك والواك     ظل ينتظر عالنهر

گوم ابهمم  ونـته الأشـم     بالميدان

كـلشي انـرسم يـم الـعلم     بالميدان

 

إحصائات

الأعضاء : 13346
المحتوى : 198
دليل المواقع : 1
عدد زيارات المحنوى : 798451

آلبوم الصور

فقط للشعراء

خريطة الموقع

هدف الموقع

السيرة الذاتية